Iranian Culture & Art Club of Fresno
رادیو ده نگی کوردستان له ئامریکا

VOK Radio Newsletter

Name: 
Email:  
Subscribe Unsubscribe

Calendar of Events

« < October 2019 > »
M T W T F S S
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
No events
Home arrow هه‌رێمه كوردییه‌‌كان arrow ئێران بە بێ ئەتۆمیش بەر شەپۆلەكە دەكەوێ!
ئێران بە بێ ئەتۆمیش بەر شەپۆلەكە دەكەوێ! چاپ ارسال به دوست
vokradio, Los Angeles, California, USA   

ئێران بە بێ ئەتۆمیش بەر شەپۆلەكە دەكەوێ!

salar_baba_shikh.jpg

 

سالار بابەشێخ

هه ولير، كوردستان

٢١ ي جولاى ٢٠١٥ ى زايينى

مافی مرۆڤ و بایەخەكانی دیموكراسی بە درێژايی تەمەنی كۆماری ئیسلامی له ئێراندا پێشێل كراوه. وانەكانی ئەو دەسەڵاتە توندڕەوە، هاندانی توندوتیژی و پەروەردە و دنەدانی تیرۆریستان بووە. بۆ دژایەتیكردنی ئیسڕائیل و پشتیوانی لە فەلەستین یش، یەك ئامانجی بووە، ئەویش بەھێزكردنی پێگە و نفووزی لە ناو موسڵمانانی عه ره ب بووە، ئەو ئامانجەشی نەپێكاوە. تەنیا ئەوە نەبێ كە نەی ھێشتوووە كێشه ی نێوان ئیسڕائیل و فه له ستین بە رێكاری ئاشتییانە چاره سه ر بكرێ!

دوای رفاندنی جڵەوی ئاكامی شۆڕش و راپەڕینەكانی ئێران لە دژی دەسەڵاتی پاشایەتی محەمەد رەزا شای پەھلەوی، لە لایەن ئایەتۆڵڵا خومەینی و ھاتنەسەر كاری دەسەڵاتی ئاخووندی لە ئێران، تا ئێستاشی لە گەڵ بێ، باڵوێزخانەكانی سەرجەم كابینەكانی گشت حكومەتەكانی كۆماری ئیسلامی ئێران، لە ھیچ وڵاتێك جگە لە ئاژاوەنانەوە و سیخوڕی و پەرەدان بە كاری تیرۆریستی، ھەنگاوێكیان بە ئاراستەی سەقامگیری و ئاشتەوائی و پێكەوە بوون، پێكەوە سازان، پێكەوە گونجان و پێكەوە ژیان و... ھیچ " پێكەوە "ییەك ھەڵنەگرتوووە!

پتر لە دەیەیەك لە دانوستاندنەكانی ئێران و وڵاتانی رۆژاوا سەبارەت بە پیتاندنی ئۆرانیۆم و رێگریكردن لە ھەوڵەكانی بە ئەتۆمیكردنی ئێران تێدەپەڕێ. دواجار لەم ڕۆژانەدا رێككەوتنێكی مەرجدار كرا. وڵاتانی (5+1) بەوە دڵخۆشن كە گوایە بەو رێككەوتنە مەرجدارە چیدی ئێران نابێتە خاوەن وزە و بۆمبی ناوەكی، دەسەڵاتی ئێرانیش زۆر "زەریف"انە دەهۆڵی سەركەوتن بۆ ئەو رێككەوتنە مەرجدارەی ڵێدەدات و خەڵكی دۆشداماوی بندەستی دێنێتە سەما! بەڵام هێندەی پێناچێ، لە جەمارانەوە وەلی فەقیه خۆی گیڤ دەكاتەوە و بە فەرمانێكى سەركوتی ناوخۆ پتر پەرە دەستێنێ و دەستوەردانی دەرەكیشی بە هۆمای نەمانی سزا داراییەكان بەربڵاوتر و دوورمەوداتر دەكا. ڕۆژئاواش دەسەوەستان نامێنێ و هەر لە ئێستاوە دۆسێی مافی مرۆڤ له ئێران دهكاته سەرباسی باسان و پلاتفۆرمی پیاوانی ئایینیی رژێمی ئێران بە "وەلی فەقیه"یشەوە دەخاتە ژێر جڕومەنگەنەی پرسیار!

سەید عەلی خامنەیی (وەلی فەقیه و پیاوی یەكەمی كۆماری ئیسلامی ئێران) پێداگری لە سەر بەرفراوانكردنی ھیلالی شیعە و زیادكردنی رووبەری خاك و دەسەڵاتە مەزھەبییەكەی دەكا، دەستوەردانی دەوڵەتەكەشی لە وڵاتانی وەك عێراق، لوبنان، سووریا، یەمەن و ... تا دوایی، كە خۆی لە ھەیكەلی حەشد و حزبوڵڵا و حوسییەكان ... -دا بەرجەستە كردووە و خولقێنەری شەڕێكی بەربڵاوی

تائیفی و مەزھەبی بووە، پەرە پێدەدات، لێ ئەو دیمەنە سیاسییە پڕمەرگەساتە كە حكومەتی تاران پیلاندوورانی متمانەپێكراوی خۆی لێ خڕ دەكاتەوە، جگە لە ئیسڕائیل و ئەمریكا و وڵاتانی رۆژاوا، بەرەیەكی بەھێزی "زۆرینەی سوننە" و لە لووتكەی ئەو بەرەیەشدا "توركیا و عەرەبستانی سعوودی" ھەزمی ناكەن و بەرھەڵستیی ئەو مەزھەبگەراییە زێدەخوازەش ھەتا دێ پتر دەبێ.

كۆباسەكە ئەوەیە شەپۆلی گۆڕانكارییەكان و راماڵینی دیكتاتۆرەكان(بە ئایینییەكانیشەوە) زۆر خێراتر بووە. كۆماری ئیسلامی ئێران بە ھۆی سەركێشییەكانیەوە بە توندی بەر ئەو شەپۆلە دەكەوێ. ئەو ھێز و لایەنانەی كەوا چارەنووسی خۆیان ئاوێزانی گەردەنی ئەو (بڵقی سەر ئاو) ە كردووە، ئەگەر ھەناسەیەكیان تێدا بمێنێ، بە ھەڕگپێوان پاشگەز دەبنەوە!!! ھیوادارم ئەو قوڕپێوانە بەر كورد نەكەوێ.

************************************** 

   Listen live to voice of Kurdish-American Radio for Democracy, Peace and  Freedom


free stats

 

 
< بعد   قبل >
© 2007 - 1398, VOK Radio