فرانکفورت/ ئالمان؛ سمینارێك له ژير ناوى؛ رۆژهەلاتی کوردستان، پرس، راڤە، رێگا"
vokradio, Los Angeles, California, USA   

ئاگادارى به ريوه چونى "سێمیناری رۆژهەلاتی کوردستان، پرس، راڤە، رێگا" له شارى فرانكفورتى ئالمان

 

لیژنەی بەرێوەبەری "سێمیناری رۆژهەلاتی کوردستان، پرس، راڤە، رێگا" له لێدوانێکە دا كه بو راى گه شتى بلاوى كردووه توه، داوا له هه مو رووناکبیران و چالاکانی سیاسی كورد ده كات تا لەم سێمینارەدا که‌ له‌ رۆژی ١٣ى مانگى ديسمبرى ٢٠١٥  له زانکۆی گوته‌ی شاری فرانکفۆرتی ئاڵمان به‌ڕێوه ده‌چێت به شدارى بن و بيرو راى خويان سه باره ت به پرسى تايبه ت به روژهه لاتى كوردستان ده ربه رن. ده قى ئه م ئاگادارى كه به ده ستى ستافى ده نگى كورده كانى نيشته جى ئه مريكاگه يشته وه به م چه شنه يه؛

 
"سێمیناری رۆژهەلاتی کوردستان،پرس،راڤە،رێگا"

seminar_germany_122015.jpg

 

لە هەلوو مەرجێکدا کە سەرجەم رۆژهەڵاتی ناوەڕاست پێی ناوەتە قۆناغێکی زۆر هەستیار و چارەنووس‌سازوه‌ و دەڕوات تا سیمایەکی نوێ بە خۆیه‌وه‌ بگرێت و لەم نێوەندەدا زیاترین کاریگەری و شەڕ و توندووتیژی بەرۆکی گەلی کوردی گرتووە، بەشێکی بەرچاو لە گەلی کورد و ئەحزابی کوردستانی راستەوخۆ تێکەڵاوی ئەم قۆناغەن و لە هەوڵی ئەوەدان ببنە فاکتەرێکی سەرەکی لە گۆڕانکارییه‌کان، یەکێک لە فاکتەرەکان کە دەستی باڵای لەم ئاڵۆزیانەدا هه‌یه‌ و هەوڵی جیددی دەدات بۆ بەدەست‌خستنی بەرژەوەندی و زیاترکردنی پاوان، دەوڵەتی ئیسلامی ئێرانە، ئەوەی لێرە پێویستە هەمبەر بە ئەم فاکتەرە دەوری خۆی بگێرێت و وەک بکەرێکی کارا بێتە مەیدان ئەکتەریی رۆژهەڵاتی کوردستانە، دیارە گەلی کورد لە رۆژهەڵات و ئەحزابی رۆژهەڵاتی کوردستان هەر کامە و بە پێی توانا و ئیمکان و باوەڕی خۆی لە مەیدان‌دا هەن و تێکۆشان دەکەن، بەڵام هەستیاری قۆناغەکە وادەکات رۆژهەلاتی کوردستان جاریکی تر هەموو پرسیارەکان بورووژێنێت و بەرپرسیاریەتییەکان تاوتوێ بکات و زیاتر ئەرکدار ببێت، لەم رێڕەوەدا لێژنەی بەرێوەبەری سێمیناری "رۆژهەلاتی کوردستان، پرس، راڤە، رێگا" داوه‌تی سەرجەم پارتە رۆژهەلاتییەکان و رۆشنبیران و بیرمەندانی چالاک دەکات هەتا لە دەوری یەک کۆببنەوە و بە دەنگێکی بڵەند بیر بکەنەوە و یەکتر لە بەرانبەر پرسیار و بیروڕا و نەخشه‌ڕێی خۆیان ئاگادار بکەنەوە، سێمینارەکە هەوڵ دەدات لە سێ پانێل‌دا کارەکانی خۆی بەرێوە ببات:


پانێلی یەکەم تەرخان کراوە بۆ نوێنەری رێوەبەری ئەحزاب،

پانێلی دووهەم و سێهەمیش تەرخان دەکرێت بۆ رۆشنبیران و چالاکانی سیاسی سەربەخۆ کە رەخنە و پلان و گوتاری خۆیان پێشکەش دەکەن،

لێژنەی بەڕێوەبەر چاوه‌ڕوانە هەتا بەشداری سەرجەم لایەنەکان و رووناکبیران و چالاکانی سیاسی لەم سێمینارەدا هەوێنی گۆتارێکی کارا لە ئەم قۆناغی هەستیار و پڕ ئاڵۆزیەدا خۆش بکات و رەوتی دیالۆگ و رەخنە لە ئاستێکی کاریگەردا پەرە پێ بدات.


هه‌روه‌ها که پێشتر راگه‌یه‌ندراوه سێمیناره‌که‌ له‌ رۆژی 13.12.2015 له زانکۆی گوته‌ی شاری فرانکفۆرتی ئاڵمان به‌ڕێوه ده‌چێت.

لیژنەی بەرێوەبەری "سێمیناری رۆژهەلاتی کوردستان،پرس،راڤە،رێگا"

كات:  رۆژی ١٣ى مانگى ديسمبرى٢٠١٥

شوين:  زانکۆی گوته‌ی شاری فرانکفۆرتی ئاڵمان

پيوندى: ئیمه‌یل:
This email address is being protected from spam bots, you need Javascript enabled to view it
ژماره‌ ته‌له‌فوون:
004917622957533

**************************************  

 

 

 

Listen live to voice of Kurdish-American Radio for Democracy, Peace and 
Freedom

 

Welcome to vokradio.com
free stats