Iranian Culture & Art Club of Fresno
به صدای کوردستان از آمریکا خوش آمدید-
رادیو ده نگی کوردستان له ئامریکا
Voice of Kurdish-American Radio for Democracy, Peace and Freedom

Warning: Call-time pass-by-reference has been deprecated in /home/content/97/11465997/html/mambots/content/joscomment.php on line 51
به‌رده‌وامیی ئاگركه‌وتنه‌وه‌كان له‌ زنجیره‌ چیاكانی زاگرۆس و به‌رگری قاره‌مانانه‌ی ژینگه‌پارێزان چاپ ارسال به دوست
VOKRadio, Los Angeles, California, USA , ئه‌مین خه‌واله   

به‌رده‌وامیی ئاگركه‌وتنه‌وه‌كان له‌ زنجیره‌ چیاكانی زاگرۆس و به‌رگری قاره‌مانانه‌ی ژینگه‌پارێزان و بێده‌سه‌ڵاتی به‌رپرسانی ڕژیم

 

 amin_khawaleh.jpg
 ئاماده‌ كردن و لێكۆڵینه‌وه‌ : ئه‌مین خه‌واله

٦\٦\٢٠٢٠

وه‌ك ئاگادارین له‌ ماوه‌ی چه‌ن حه‌وتووی ڕابردوو ئاگركه‌وتنه‌وه‌ و سووتانی دارستانه‌كان له‌ پارێزگاكانی كۆردستانی ڕۆژهه‌ڵات و زنجیره‌ی چیاكانی زاگرۆس سنووره‌كانی هه‌ورامان به‌رده‌وامه‌ و تا ئێستا زیاتر له‌ سه‌دان هه‌زار هێكتار زه‌وی و زاری جوتیاران و دارستانه‌كانی ئه‌و ناوچه‌یه‌ كه‌وتونه‌ته‌ به‌ر هێرشی ئاگركه‌وتنه‌وه‌كان و له‌م نێوانه‌دا ژینگه‌پارێزان و ئه‌ندامانی ناوه‌نده‌ سه‌ربه‌خۆكانی پارێزه‌ری له‌ چیاكان و ناوچه‌ سه‌وزه‌كان زۆرترین و سه‌ره‌كییترین ده‌وریان بینیوه‌ و به‌رپرسانی حكوومه‌تی ڕژیمی ئێران له‌ ئاست ئه‌و زه‌ره‌ر و زیانه‌ گه‌وره‌دا چاوی خۆیان داخستووه‌ و هیچ كرده‌وه‌ و ده‌رئه‌نجامێكی ئه‌رێنی یان پۆزێتیڤیان له‌ خۆیان ده‌رنه‌خستووه‌ و چاوی خۆیان له‌ ئاست كاولكاری به‌ ئه‌نقه‌ستی دارستان و له‌وه‌ڕگه‌كانی نیشتمان داخستووه‌ و وه‌كوو بینه‌رێك ته‌نیا له‌ دووره‌وه‌ چاو له‌ ئاكامه‌كانی نابه‌رپرسانه‌ی خۆیان ده‌كه‌ن.

سووتان و ئاگركه‌وتنه‌وه‌ی دارستانه‌كان له‌ ڕۆژانی ڕابردوو و ته‌نیا له‌ ماوه‌ی 48 كاژێری ڕابردوودا پارێزگاكانی كوردستانی تێپه‌ڕاندووه‌ و زۆربه‌ی پارێزگاكانی دیكه‌ی ژێر ده‌سه‌ڵاتی وڵاتی ئێرانی له‌ خۆ گرتووه‌ته‌وه‌ و جارێكی دیكه‌ش به‌رپرسانی ڕژیمی كۆماری ئیسلامی چاوی خۆیان له‌ ئاست ئه‌و ڕووداوانه‌ داخستووه‌ و گوێی خۆیان له‌ ئاستی به‌رپرسیاره‌تییه‌كانیان كه‌ڕ كردووه‌ و وا نیشانی ئه‌ده‌ن كه‌ ته‌نیا لێكه‌وه‌ته‌یه‌كی سرووشتییه‌ و ئه‌وان له‌ ئاستی كۆنتڕۆڵكردن و كوژاندنه‌وه‌ی ئاگركه‌وتنه‌وه‌كان بێده‌سه‌ڵاتن و هیچ كارێكی ئه‌رێنی له‌ ده‌ستیان نایه‌ت له‌ كاتێكدا كه‌ ڕوون و ئاشكرایه‌ كه‌ حكوومه‌تی ناوه‌ندی به‌ ئاشكرا ده‌ستی هه‌یه‌ له‌ ئاگرتێبه‌ردانی دارستان و چیاكانی نیشتمانه‌كه‌مان و ویستی ئه‌وه‌یان هه‌یه‌ وڵات به‌ره‌و كاولكارییه‌كی ئه‌گجاره‌كی ببه‌ن و بۆ ماوه‌یه‌ك ڕای گشتیی له‌ سیاسه‌ته‌ چه‌په‌ڵه‌كانی خۆیان دوور بخه‌نه‌وه‌.

fire_eastern_kurdistan_06012020.jpg

له‌ كاتێكدا كه‌ له‌ ماوه‌ی چه‌ن ڕۆژی ڕابردوو له‌ درێژه‌ی كاولكارییه‌كانی وڵات و نیشتمان و به‌ تاڵانبردنی داهاته‌ نه‌ته‌وه‌ییه‌كانمان 5 كه‌شتی نه‌وتهه‌ڵگر به‌ره‌و وڵاتی وێنێزویلا به‌ڕێكه‌وتن و به‌ ملوێنان به‌رمیل نه‌وت و سووته‌مه‌نی و به‌نزینی وڵاته‌كه‌مان كه‌ مۆڵكی نه‌ته‌وه‌یی و داهاتیی سه‌ره‌كی نیشتمانه‌كه‌مانه‌ به‌ ئاشكرا هه‌نارده‌ی وڵاتانی لایه‌نگری تێرۆر و تێرۆریست په‌روه‌ر ده‌كات و له‌ به‌رانبه‌ردا به‌ هۆی گه‌مارۆكانی ئامریكا كه‌ ناتوانێت دراو و پاره‌كان له‌ ڕێگای بانكه‌كانه‌وه‌ بگوازێته‌وه‌، به‌ زێڕ و ئاڵتوون ساتووسه‌ودا ده‌كات و له‌ لایه‌كی دیكه‌ش زێڕ و ئاڵتوونێك كه‌ به‌ داهاتی نه‌ته‌وه‌یی و نه‌وتی نیشتمانه‌كه‌مان كڕدراوه‌ ئاودیوی وڵاتانی سووریه‌، عێراق، لۆبنان و فه‌له‌ستین و لایه‌ن و هێزه‌ ده‌سه‌ڵاتداركانی ناوچه‌ و تۆندئاژۆ تێرۆریسته‌كانی وه‌كوو حێزبۆڵا و داعیش و ده‌یان تاقم و گرووپی لایه‌نگری خۆی ده‌كات بۆ درێژه‌دان به‌ چالاكییه‌ تێرۆریستییه‌كانی له‌ ناوچه‌كه‌دا و درێژكردنه‌وه‌ی ته‌مه‌نی نگرێسی حكوومه‌تی كۆماری ئیسلامی و لاه‌ینگرانی له‌ وڵاتی ئێران و ده‌سه‌ڵاته‌كانی له‌ ناوچه‌كه‌دا.

 


له‌م نێوانه‌دا زۆرن ئه‌و ژینگه‌پارێز و قاره‌مانه‌ نه‌ته‌وه‌ییانه‌ی كه‌ زۆر به‌ بێده‌نگی گیان و ژیانی خۆیان فیدا ئه‌كه‌ن له‌ پێناو مانه‌وه‌ی ژینگه‌ و كوژاندنه‌وه‌ی برینه‌كانی نیشتمان و پێویسته‌ هه‌موومان به‌ هانایانه‌وه‌ بچین و یارمه‌تیده‌ریان بین و پشتییان تێنه‌كه‌ین و له‌ ڕۆژه‌ سه‌خته‌كاندا پشتیوانی ئه‌و قاره‌مانه‌ بێ ناو نیشانانه‌ بین و وه‌كوو قه‌ڵایه‌كی له‌ به‌ نه‌هاتوو پشتگیری لاوانی ژینگه‌پارێزی نیشتمان بین. ڕوون و ئاشكرایه‌ كه‌ له‌ ناوچوونی ژینگه‌ و دارستانه‌كان خه‌سارێكی گه‌وره‌یه‌ بۆ ئێستامان و بۆ نه‌وه‌كانی داهاتوومان و ئه‌ركی سه‌رشانی هه‌موومانه‌ له‌ پاراستن و ئاگاداری كردنی دارستانه‌كان و ژینگه‌ و چیاكانمان. نموونه‌ی به‌رچاوی ئاگركه‌وتنه‌وه‌كانی ئه‌م دواییانه‌ی كوردستان له‌وانه‌ ئه‌توانین ئاماژه‌ به‌ زنجیره‌ چیاكانی ناوچه‌ی هه‌ورامان، ناوچه‌ی كۆساڵان، كێوی ئاویه‌ر له‌ نزیك شاری سنه‌، زنجیره‌ چیاكانی داڵاهوو له‌ ناوچه‌ی سه‌رپێڵی زه‌هاو و هاوكات ناوچه‌كانی نزیك به‌ شاره‌كانی پاوه‌ و جوانڕۆ و ده‌یان شوێن و دارستانی دیكه‌ی نیشتمانه‌كه‌مان بكه‌ین كه‌ له‌ ئێستادا كه‌وتوونه‌ته‌ ژێر هێرشی ئاگركه‌وتنه‌وه‌ و پێویسیان به‌ یارمه‌تیی ئێمه‌ هه‌یه‌ بۆ پاراستنییان له‌ سووتان و له‌ناوچوونی هه‌تاهه‌تایی و ڕاگرتنیان.


له‌ بارودۆخی ئێستادا حكوومه‌تی ناوه‌ندی و به‌رپرسانی ده‌وڵه‌تی ڕژیمی ئیران دژایه‌تیی و به‌رهه‌ڵستكاری ژینگه‌پارێزان و پارێزه‌رانی چیا و نیشتمان ده‌كه‌ن له‌ به‌ر ئه‌وه‌ی ئه‌و ژینگه‌پارێزانه‌ به‌ دڵ و گیان هه‌وڵ ئه‌ده‌ن و تیئه‌كۆشن بۆ مانه‌وه‌ی ژیان و پاراستنی نیشتمان له‌ سووتان و له‌ناوبردنی یه‌گجاره‌كی و له‌قاودانی سباسه‌ته‌ چه‌په‌ڵه‌كانی ده‌سه‌ڵاتدارانی ئه‌و ڕژیمه‌ كه‌ ساڵانێكه‌ به‌ ئاشكرا چاوی داخستووه‌ له‌ ئاستی كاولكردن و ڕووخاندن و به‌ تاڵانبردنی ئاشكرای هه‌موو داهاته‌ ماڵی و نه‌ته‌وه‌ییه‌كان و له‌ ناوبردنی ژێرخانی ئابووری وڵاته‌كه‌مان و فرۆشتنی له‌ پێناو به‌ هێزكردن و ته‌یار كردنی هه‌رچی زۆرتر كردنی هێزی خۆی له‌ ناوچه‌دا و به‌ هیزكردنی تێرۆر و هێزه‌ تێرۆریستییه‌كان و هه‌نارده‌كردنی تێرۆر بۆ هه‌موو دونیا و هێنانه‌ ژێر ده‌سه‌ڵاتی خۆیان و ڕكێفی خۆیان بۆ ئه‌وه‌ی ده‌سه‌ڵاتی چه‌په‌ڵی خۆیان له‌ هه‌موو شوێنێك دا جێگر بكه‌ن. هه‌ر بۆیه‌ به‌ ئاشكركردنی ئامانجه‌ چه‌په‌ڵ و ڕه‌شه‌كانییان له‌ لایه‌ن ژینگه‌پارێزان و پارێزه‌رانی وڵاته‌وه‌ كۆشكی ده‌سه‌ڵاتییان ئه‌كه‌وێته‌ به‌ ته‌وژم و له‌رز ئه‌كه‌وێته‌ گیانییان بۆیه‌ هه‌موو هه‌وڵه‌كانییان وه‌گڕ ئه‌خه‌ن بۆ له‌ناوبردنی هێزی نه‌ته‌وه‌یی و مرۆڤایه‌تیی و سه‌رقاڵكردنی تاكه‌كانی كۆمه‌ڵگا به‌ پرس و بابه‌ته‌ په‌راوێزخراوه‌كان و دووڕ ڕاگرتنیان له‌ باسه‌ سه‌ره‌كییه‌كان و ده‌ستێوه‌ردان له‌ بابه‌ته‌ گرینگ و چاره‌نوس سازه‌كانی وڵاته‌كه‌یان.


با پێكه‌وه هه‌وڵ بده‌ین بۆ له‌قاودان و ئاشكركردنی كاولكاری و ئاگرخستنه‌وه‌ به‌ ئه‌نقه‌سته‌كانی دامووده‌زگا و لایه‌نه‌ پیوه‌ندیداره‌كان و تاقمه‌ ئاژاوه‌گێڕه‌كانی سه‌ر به‌ ڕژیمی تیرۆریستپه‌روه‌ری كۆماری ئیسلامی بۆ به‌لاڕێدابردنی بیر و هزری هه‌موو تاكه‌كانی كۆمه‌ڵگاكه‌مان و داگیرسانی شه‌ڕی براكوژی و دووڕوویی و چه‌ن به‌ره‌كی له‌ نێو نه‌ته‌وه‌كه‌مان و داگیركردنی زیاتری خاك و ئاوی نیشتمانه‌كه‌مان به‌ بیانووی كۆنتڕۆڵكردن و به‌ڕێوه‌به‌رایه‌تیی قه‌یرانه‌كان و چاندنی نه‌مامی دووبه‌ره‌كی و چه‌ن به‌ره‌كی له‌ ناو دڵی تاكه‌كانی كۆمه‌ڵگا و نیشتمانه‌كه‌مان. با چیدی ڕێگا نه‌ده‌ین داگیركه‌رانی كوردستان و نیشتمان به‌ ناوی به‌ڕێوه‌به‌ری قه‌یران و یارمه‌تیی و نه‌زانی باڵ بكیشن به‌ سه‌ر خاكی نیشتمانه‌كه‌مان و زیاتر جێگا پێی خۆیان خۆش بكه‌ن و هه‌وڵ بده‌ین له‌ ئێسنادا كه‌ چوارچێوه‌ی ده‌وڵه‌ت و ڕژیمه‌كه‌یان به‌ ته‌واوه‌تی لاواز بووه‌ و چرای ته‌مه‌نیان كه‌وتووه‌ته‌ كزی نه‌هێڵین و ڕێگا نه‌ده‌ین هه‌ستنه‌ سه‌ر پێ و چۆكیان له‌ ناوقه‌د دا بشكێنین و ڕێگای هه‌ستانه‌ سه‌ر پێی دووباره‌یان لێ دابخه‌ین و ئه‌وه‌ش ته‌نیا به‌ یه‌كدڵی و هاوڕیزی هێزه‌كانمان و تاكه‌كانی كۆمه‌ڵگا و سه‌رخستنه‌وه‌ی ماڵی كورد به‌ ئه‌نجام ده‌گات.

 

  

 

vokradio.jpg

 Voice of Kurdish-American Radio for Democracy, Peace, and Freedom

 
 
قبل >

Polls

VOK Radio Newsletter

Name: 
Email:  
Subscribe Unsubscribe

Calendar of Events

« < July 2020 > »
M T W T F S S
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
No events
© 2007 - 1399, VOK Radio